19 красавіка 2018 годзе ў Гомеле ў грамадска-палітычным цэнтры на Палескай 52 адчынілася выстава “Лісты палітвязняў: ад 1996 году да нашых дзён”, якая  складаецца з 11 стэндаў, на іх – лісты палітычных вязняў з-за кратаў, лісты ў падтрымку палітвязняў, а таксама матэрыялы бюлеценя Праваабарончага цэнтру “Вясна” – “Права на Волю”, архіўныя фотаздымкі.

 Выстава рабілася пры дапамозе палітвязняў, іх сем’яў, сяброў, незалежных журналістаў і праваабаронцаў.   

Ліставанне праз краты ўтрымлівае факты, падзеі, эмоцыі, мары і пажаданні, нягледзчы на перашкоды турэмнай цэнзуры, З 1996 года, па звестках праваабарончых арганізацыяў, праз крымінальны пераслед за палітычныя перакананні ў Беларусі зняволенне трапілі больш за 200 чалавек.

Лісты для палітзняволеных – былі, ёсць і будуць сувяззю з вольным светам. А ліставанне з палітвязнямі – праява салідарнасці і негвалтоўнага грамадскага супраціву.  

Выстава “Лісты палітвязняў: ад 1996 году да нашых дзён” яшчэ раз нагадвае пра тое, што ідэалагічнае выкарыстанне дзяржавай гісторыі і распаўсюд уяўленняў пра мінулае ў грамадстве застаюцца вострай праблемай.  

У такой сітуацыі вельмі важна арганізаваць сістэматычны збор і актуалізацыю альтэрнатыўных поглядаў на гісторыю грамадзянскай супольнасці, у тым ліку станоўчы дэмакратычны вопыт, якім з’яўляецца перапіска з палітвязнямі.

Выстава “Лісты палітвязняў: ад 1996 году да нашых дзён” – гэта пачатак працы, якая будзе працягвацца. Выстава падрыхтаваная “Цэнтрам даследванняў грамадзянскай супольнасці Беларусі”.