14 снежня ў 18.30 у Менску ў Палацы мастацтваў адбылася святочная вечарына, прысвечаная 30-годдзю Таварыства маладых літаратараў “Тутэйшыя”. 20-а снежня 2016 года Таварыству маладых літаратараў “Тутэйшым” – 30 гадоў. Пра гэта згадвае тагачасны старшыня Таварыства маладых літаратараў “Тутэйшыя” Алесь Бяляцкі: “20 снежня 1986 году. Доўга чакалі пакуль скончыцца Сысова праца і паехалі да яго на хату праводзіць першае пасяджэньне. Ён накарміў нас ліверкаю, напаіў гарбатаю, праявіў мецэнацтва… …вырашылі цвёрда аформіцца, назвацца “Тутэйшымі”, узяць арыентацыю на 20-я гады па смеласьці пошукаў – і – наперад. Вельмі добра, што з намі і адзін геній – Сыс.