Міністр юстыцыі Украіны Павел Пятрэнка 24 ліпеня 2015, падпісаў рашэнне аб забароне ўсім камуністычным партыям удзельнічаць у выбарчых працэсах у краіне.
Пра гэта сёння на брыфінгу паведаміў сакратар Савета нацыянальнай бяспекі і абароны Украіны Аляксандр Турчынаў, перадае Еспресо.TV.
“Сёння, вы ведаеце, я лічу, дзень гістарычнай справядлівасці. Сёння міністр юстыцыі, адпаведна прынятым Вярхоўнай Радай законам, падпісаў рашэнне, згодна з якім камуністычныя партыі, якія ёсць сёння ў нашай краіне, губляюць права быць суб’ектам палітычных і выбарчых працэсаў “, – заявіў Турчынаў.