У дзень выбараў прэзідэнта, 19 лістапада 2010, ў Мінску адбыліся шэсце і мітынг супраць фальсіфікацый вынікаў галасавання, у якіх прынялі ўдзел ад 15 да 40 тыс. чалавек. На чале мітынгуючых былі дэмакратычныя кандыдаты. На плошчы Незалежнасці акцыя была гвалтоўна разагнаная сіламі міліцыі і спецназу. Дзесяткі людзей атрымалі траўмы, затрымалі кандыдатаў Кастусёва, Міхалевіча, Някляева, Рымашэўскага, Саннікава, Статкевіча і Вуса, кіраўнікоў іх штабоў і давераных асоб, некалькі сотняў прыхільнікаў, таксама шэраг журналістаў і замежных грамадзян. Частка затрыманых, у тым ліку кандыдаты Андрэй Саннікаў і Мікалай Статкевіч, былі пакараныя шматгадовымі тэрмінамі зняволення, сотні шэраговых удзельнікаў атрымалі “суткі” і вялікія штрафы. Разгон Плошчы’2010 стаў знакавай падзеяй у найноўшай гісторыі Беларусі.