2 сакавіка 2014 памёр Рыгор Барадулін. Яму было 79 гадоў. Нарадзіўся ён 24 лютага 1935 на хутары Верасоўка (Ушацкі раён).

Барадулін – адзін са стваральнікаў Беларускага ПЭН-цэнтру, сябар Саюзу беларускіх пісьменнікаў, аўтар больш 70-і паэтычных зборнікаў, каля 30 зборнікаў перакладаў, крытычных артыкулаў і нарысаў. Ягоныя творы перакладзены на чатыры дзясяткі моў.

Барадулін быў сябрам Партыі БНФ, з 1989 году – сябрам Сойму Партыі БНФ.

 У 2006 годзе кандыдатура Барадуліна была сярод намінантаў на Нобелеўскую прэмію ў галіне літаратуры (за зборнік вершаў “Ксты”).

 Пахаванне Барадуліна прызначана на аўторак 4 лютага. Народнага паэта Беларусі пахаваюць ва Ушачах, побач з магілай маці.

 Развітанне з Рыгорам Барадуліным адбудзецца таксама ў аўторак у Чырвоным касцёле ў Мінску. Пачатак у 9.45.