30 кастрычніка 1988 напярэдадні Восеньскіх Дзядоў у Мінску адбыліся масавае шэсце ў Курапаты і мітынг памяці ахвяраў сталінскага рэжыму. Улады адказалі гвалтам – дубінкамі, газам, затрыманнямі. Гэта было першае масавае актыўнае супрацстаянне грамадства і ўлады ў пасляваеннай Беларусі. З таго часу шэсці і акцыі ў Курапатах на Дзяды сталі беларускай традыцыяй. Акцыя 30 кастрычніка стала першай пратэстнай акцыяй Народнага Фронту, створанага 19 кастрычніка 1988.
У Расеі 30 кастрычніка адзначаецца як афіцыйны Дзень памяці ахвяраў палітычных рэпрэсій. Таксама гэты дзень шануецца грамадзянскай супольнасцю і ў некаторых іншых посткамуністычных краінах.
У гэтым годзе шэраг талокаў у Курапатах, арганізаваных Ініцыятывай па абароне Курапатаў завершыўся 28 кастрычніка па ініцыятыве Беларускага Руху пасадкай шматгадовых кветак. 29 кастрычніка адбудзцца запальванне знічак у Курапатахі іншых Мінскіх месцах згубы палітычных ахвяраў, а 3 лістапада з ініцыятывы КХПБНФ пройдзе шэсце ў Курапаты.