Пракуратура Венгрыі ўпершыню прад’явіла абвінавачванні ў ваенных злачынствах былому функцыянеру камуністычнай партыі.
Бела Биску (Béla Biszku), якому зараз 92 гады, абвінавачваецца ў злачынствах падчас падаўлення антыкамуністычнага паўстання, якое пачалося ў кастрычніку 1956. У той час ён быў адным з кіраўнікоў часовага выканаўчага камітэта партыі, які змагаўся з пратэстамі.
Па дадзеных пракуратуры, Биску аддаў загады аб расстрэле дэманстрантаў у снежні, калі паўстанне ў асноўным ужо было задушана пры ўдзеле савецкіх войскаў. У горадзе Шальготар’ян ў выніку расстрэлу пратэстуючых загінула 46 чалавек, у тым ліку жанчыны і дзеці. Агульная колькасць ахвяр Биску ацэньваецца пракуратурай прыкладна ў 50 чалавек.
Бела Биску пасля падаўлення паўстання, у 1957-1961 гг., быў міністрам унутраных спраў Венгрыі. Акрамя таго, ён быў членам палітычнага камітэта Венгерскай сацыялістычнай рабочай партыі, як з 1956 называлася кіруючая камуністычная партыя.
Пераслед былых кіраўнікоў камуністычнай Венгрыі стала магчымым пасля таго, як у 2011 быў прыняты спецыяльны закон. Згодна з ім ваенныя злачынствы ня маюць тэрміну даўнасці. Ініцыятарам ўвядзення закона стала партыя «Фідэс» прэм’ер-міністра краіны Віктара Орбана.
Нагадаем, што восенню 1956 ў Венгрыі адбылося паўстанне супраць прасавецкага камуністычнага рэжыму, якое скончылася увядзеннем савецкіх войскаў і поўным разгромам паўстанцаў. Загінула 2652 чалавека і параненыя 19226. Дзясяткі тысяч венграў вымушаны былі стаць уцекачамі.

Па матэрыялах Інтэрнэт