У Мінску Народны сход сабраў каля тысячы людзей, у шэрагу рэгіёнаў Беларусі – сотні ўдзельнікаў, найбольшая колькасць – у Гомелі – каля 400 чалавек.
На Народных сходах былі абмеркаваны актуальныя эканамічныя , сацыяльныя і палітычныя праблемы краіны , а таксама былі абраныя прадстаўнікі , для перадачы патрабаванняў удзельнікаў сходу ўладам.
Адзін з арганізатараў акцыі , Віктар Івашкевіч, галоўнае патрабаванне Народнага сходу сфармуляваў так: «вярніце людзям тое, што ў іх скралі”. У прыватнасці, было вылучана патрабаванне, каб зарплаты і пенсіі ў доларавым эквіваленце былі паднятыя на ўзровень пачатку года. Іншыя патрабаванні – спыненіць неабгрунтаваны рост цэн, даць людзям магчымасць свабодна абменьваць валюту і вяртаць валютныя крэдыты ў беларускіх рублях , забяспечыць матэрыяльную дапамогу сацыяльна незабяспечаным катэгорыям грамадзян на ўзроўні снежня 2010 года ў доларавым эквіваленце. Таксама былі вылучаны патрабаванні вызвалення палітвязняў і правядзення свабодных выбараў.
12 лістапада 2011 была сабрана другая сесія Народных сходаў для абмеркавання вынікаў зваротуы грамадзян да кіраўніцтва краіны і рэгіёнаў.
Народныя сходы выклікалі рэзка негатыўную рэакцыю ўлады. У многіх месцах правядзенню сходаў перашкаджалі , дзясяткі арганізатараў і ўдзельнікаў былі затрыманыя.
Улада не мае намеру гаварыць з народам , прыслухоўвацца да яго меркаванняў і выконваць свае канстытуцыйныя абавязкі – такую выснову зрабілі ўдзельнікі Народных сходаў.