30 траўня 2016 на 88 годзе жыцця пакінуў гэты свет абаронца і даследчык Курапатаў, нязменны кіраўнік “Хрысціянскай Злучнасці Курапаты” Вацлаў Адольфавіч Нямковіч.

 

Сябры спадара Нямковіча з Грамадзянскай ініцыятывы “Эксперты ў абарону Курапатаў”, з аргкамітэту і журы конкурсу, прысвечанага Курапатам, з Грамадскага аб’яднання “Дыярыуш” і каманда “Вытокаў” шчыра смуткуюць і спачываюць родным Вацлава Адольфавіча і ўсім, хто любіў і шанаваў гэтага выдатнага чалавека і годнага грамадзяніна Беларусі.