Прафсаюзны мітынг

27 студзеня ў Мiнску адбыўся мiтынг, у якiм узялi ўдзел Свабодны прафсаюз Беларускi (СПБ), прафсаюз АСМ (аўтамабiлесельгасмашынабудаваньня), прафсаюз радыёэлектроннай прамысловасьцi i прафсаюз прадпрымальнiкаў. У гэты дзень два галоўныя рынкi сталiцы (Камароўскi i на стадыёне «Дынама» спынiлi сваю працу ў знак салiдарнасьцi з прафсаюзамi. Акцыя пачалася а шаснаццатай гадзiне. З розных канцоў гораду дэманстранты пачалi сьцягвацца да Палацу спорту — дзе адбыўся галоўны мiтынг. У акцыi прынялі ўдзел прыкладна 12 тысячаў чалавек. Напрыканцы мiтынгу была прынятая рэзалюцыя. У ёй удзельнiкi мiтынгу патрабуюць ад прэзiдэнта i ўрада выкананьня Рэзалюцыi рэспублiканскага сходу прадстаўнiкоў працоўных калектываў i прафсаюзных арганiзацыяў ад 21 траўня 1998 году: спынiць рост цэнаў i iнфляцыю, надаць заробку статус першачарговага плацяжу, зьменшыць падаткi з грамадзянаў i прадпрыемстваў, прадаставiць працоўным i прафсаюзам месца ў дзяржаўных СМІ.
Агляд-Хроніка парушэньняў правоў чалавека ў Беларусі ў 1999 годзе.