Біяграфія:

1954, Мсціслаў Магілёўскай вобл.

У 1976 скончыў гістарычны факультэт БДУ. З 1976 па 1992 працаваў у Беларускім рэстаўрацыйным праектным інстытуце загадчыкам аддзела комплексных навуковых даследаванняў. У 1981 абараніў кандыдацкую дысертацыю.

Адзін з заснавальнікаў БНФ, БСДГ і ТБМ імя Ф. Скарыны. Прымаў удзел у абвяшчэнні дзяржаўнага суверэнітэту і поўнай незалежнасці Рэспублікі Беларусь, адзін з распрацоўшчыкаў афіцыйнай выявы дзяржаўнага герба Рэспублікі Беларусь "Пагоня", бел-чырвона-белага дзяржаўнага сцяга Рэспублікі Беларусь і наверша да яго.

У 1990-1996 дэпутат Вярхоўнага Савета 12 склікання. З 1990 па 1995 намеснік старшыні Камісіі Вярхоўнага Савета Рэспублікі Беларусь па адукацыі, культуры і ахове гістарычнай спадчыны. У 1996 1998 дэкан факультэта бібліятэчна-інфармацыйных сістэм Беларускага універсітэта культуры. Зараз дацэнт кафедры гісторыі Беларусі і музеязнаўства. У 1997 абраны Рэспубліканскай Радай першым намеснікам старшыні ТБМ. На VI з'ездзе ТБМ у 1999 абраны старшынём ТБМ. Мае некалькі манаграфій і больш за 150 навуковых працаў па археалогіі і гісторыі архітэктуры. У 1990 быў адным з заснавальнікаў беларускага гуманітарнага ліцэя імя Я. Коласа і зараз у ім выкладае.

Жыве ў Мінску.