Біяграфія:

Васiль Старавойтаў нарадзiўся ў вёсцы  13 чэрвеня 1924 г. Да Другой усясьветнай вайны скончыў Магілёўскую фэльдшарска-акушэрскую школу. Але ўрачом папрацаваць не пасьпеў: пачалася вайна, пайшоў у партызаны. Пасьля вызваленьня Беларусі застаўся на Магілёўшчыне на партыйнай рабоце. Працаваў на кіраўнічых пасадах у ЛКСМБ і КПБ. Амаль 30 гадоў кiраваў калгасам «Рассвет» Кiраўскага раёну Магiлёўскай вобласьцi. За поспехi ў працы яшчэ ў часы СССР стаў двойчы Героем сацыялiстычнай працы.

З пачаткам рэформаў калгас «Рассвет» быў пераўтвораны ў акцыянэрнае таварыства. У 1994 г. Васiль Старавойтаў не падтрымаў на прэзыдэнцкiх выбарах Аляксандра Лукашэнку — на ўсю краiну ўсумнiўся ў дзелавых якасьцях былога дырэктара саўгасу «Гарадзец».

11 лістапада 1997 г. знакаміты кіраўнік і Двойчы Герой быў арыштаваны і абвінавачаны па некалькіх артыкулах Крымінальнага Кодэксу РБ у крадзяжах і розных злоўжываннях. У той перыяд часу было арыштавана шмат людзей, у тым ліку Старавойтаў і, са скандальнай дэманстрацыяй на бе-
ларускім тэлебачаньні, міністар сельскай гаспадаркі Васіль Лявонаў. Усяго ж у межах крымінальнага
расьсьледаваньня ў дачыненьні «Рассвету» было заведзена каля сотні розных крымінальных справаў,
над якімі працавала цэлая армія сьледчых.
Кіраўскі раённы суд стаў на шмат месяцаў цэнтрам самых сэнсацыйных падзеяў у Беларусі. Там
судзілі — і прызналі вінаватым — Васіля Старавойтава. Сам ён сваю віну катэгарычна адмаўляў.

У 1997 г. Васiль Старавойтаў быў асуджаны за крадзеж маёмасьці да двух гадоў зьняволеньня з адбываньнем пакараньня ў калёнii ўзмоцненага рэжыму. Вызвалены 11 лістапада 1999 года.

Жыве ў вёсцы Мышкавічы Кіраўскага раёну Магілёўскай вобласьці.