Талакоўцы ля сцяны на гары Гедыміна ў Вільні,  сакавік 1989 года. “Там, дзе было цела Каліноўскага. Усе пра тое ведалі, Лявон Луцкевіч апавядаў”, – каментуе фотаздымак Радкевіч Святлана.  

 Мітынг 19 лютага 1989 года, выступ літоўскай дэлегацыі. Згадвае Святлана Радкевіч: “Я перакладала выступ маладых хлапцоў з літоўскага “Саюдзіса”. Справа ад мяне стаіць чыноўнік, Дузь, быў тады, калі не памыляюся, старшынем Першамайскага райкама, казаў мне: ” Уберите этот флаг, а то через 5 минут уберут вас!”. А я яму адказала: “Ніколі ў жыцьці!” Таму і выгляд у мяне такі гарэзьлівы…” Аўтар фота: Мікола Сасноўскі.