Праваабаронцы наведалі Паўла Мажэйку на “Хіміі” ў Жлобіне, снежань 2002 года. 

Гарадзенская газета „Пагоня” была закрыта па рашэнні суддзі Вышэйшага Гаспадарчага суда Рэспублікі Беларусь Валерыя Жандарава 12 лістапада 2001 году. Газета выходзіла амаль 10 год. Журналіст “Пагоні” Павел Мажэйка і рэдактар Мікола Маркевіч асуджаныя за «паклёп на прэзідэнта Рэспублікі Беларусь». Павел Мажэйка – на два гады абмежавання волі, галоўны рэдактар Мікалай Маркевіч – два з паловай гады абмежавання волі.

У Міжнародны дзень правоў чалавека 10 снежня 2002 года ў Мінску праваабаронцы нагадалі пра  зніклых без звестак, а таксама пазбаўленых волі  апанентаў улады і незалежных журналістаў. У акцыі ўдзельнічалі родныя і сябры зніклых ды рэпрасаваных, праваабаронцы, актывісты грамадскіх арганізацый, журналісты.