Распавядае Андрэй Аляхновіч, краязнаўца, даследчык, аўтар фотаздымкаў:  8-9 верасьня 1998 году. Было ўсяго каля 20 асобаў. Само сьвяткаваньне прайшло без міліцыі. Увечары, 8-га верасьня памаліліся за палеглых і прасьпявалі “Магутны Божа” ля крыжа. Потым ля камня распачалі бардаўскі фэст, дзе выступілі неаднаразова усе пяць бардаў. Гучалі вершы ў выкананьні Вадзіма Болбаса. Сьвяткавалі да 04-й раніцы. А 08-й раніцы Мікола Разумаў пачаў рыхтаваць шыкоўны шашлык са свойскага целя. Змагаліся на рукі. Потым быў разьвітальны канцэрт і фатаграфаваньне. Усе ўдзельнікі паабяцалі на Крапіўна-1999 прывезьці з разам з сабой , як мінімум, па 10 удзельнікаў. Абяцаньне было выкананае, – Аршанская бітва 1999 сабрала больш за 300 удзельнікаў. Адных толькі скаўтаў і краязнаўцаў з Крупшчыны прыехала 29 асобаў!  На фота 000050 памятаю, – Мікола Разумаў. Барды: Андрэй Мельнікаў (Гомель), Серж Мінскевіч (Менск), Ігар Мухін (Магілеў), Кулагін (Магілеў), яшчэ адзін бард з Магілева (прысеў леваруч мяне з гітарай у чахле). Вадзім Болбас, – літаратар, краязнавец  са Светлагорску. Пушкіны Алесь і Яніна (Бобр). Ларыса Кудраўцава (Орша – культурніцкая ініцыятыва “Кацік”, яна ж кіравала нашымі скаўтамі АБС у горадзе, – побач з Мінскевічам стаіць).  Аляхновічы – Андрэй, Натальля, Уладзімер (леваруч з дзяўчо са сьцягам). Паміж  Натальляй Аляхновіч і Ларысай хлопчыка не памятаю,  і яшчэ двох падзабыў, – хлопца праваруч мяне, і мужчыну праваруч Міколы Разумава, – памятаю, што яны аршанскія. На фота 000048 – за Міколам Разумавым стаіць Генадзь Шэпелеў.

Мікалай Разумаў, нарадзіўся 29 мая 1955 года ў вёсцы Ходарава ў Магілёўскай вобласці. У красавіку 1991 года з’яўляўся старшынём страйкама г.Оршы.

24-26 красавіка 1991 года ў Оршы рабочыя падчас пратэсту супраць павышэння коштаў і кіруючай камуністычнай партыі СССР, заблакавалі чыгуначныя шляхі. Падзеі 24-26 красавіка ў Воршы ўнікальныя, не маюць аналагаў у сучаснай гісторыі Беларусі. Рашэнне пра блакаванне чыгункі было прынятае 24 красавіка падчас масавага мітынгу на Цэнтральнай плошчы каля ўнівермагу. 25-га красавіка чыгунка была заблакаваная. 26 красавіка блакада чыгункі была знятая – пратэстоўцы прайшлі арганізаванымі шэрагамі ў Куцеінскі манастыр, дзе набажэнствам была адзначаныя 5-ыя ўгодкі Чарнобыльскай катастрофы.

Пратэсты ў Оршы праходзілі арганізавана, без ахвяраў, пратэстоўцы на сабраныя грошы ездзілі на перамовы ў Мінск і выдавалаі газету “Рабочая Воля” (выйшла 4 нумары).

Крымінальная справа супраць удзельнікаў блакады была спыненая пасля развалу Савецкага Саюза ў 1991 годзе.

У красавіку 2006 году супраць Мікалая Разумава была адкрытая крымінальная справа за паклёп на А. Лукашэнку. 24 сакавіка 2006 г. падчас сустрэчы Аляксандра Мілінкевіча з выбаршчыкамі ў прысутнасці не менш за 100 чалавек ён заявіў пра датычнасць Лукашэнкі да знікнення Захаранкі і Ганчара. М. Разумаў дастаўлены ў Мінск для правядзення псіхіятрычнай экспертызы. Быў прызнаны псіхічна здаровым. 16 чэрвеня 2006 г. суд пакараў Разумава абмежаваннем волі на тры гады. Але накіроўваць на “хімію” яго не спяшаліся. І толькі 9 лістапада 2010 г., незадоўга да выбараў прэзідэнта, на кватэру Мікалая Разумава прыйшлі супрацоўнікі міліцыі і прапанавалі прайсці разам з імі. Мікалай Разумаў прабыў на “хіміі” да 1 лютага 2012 году. У гэты дзень яго вызвалілі, бо па справе скончыўся “тэрмін даўнасці”.