запісаў: 1060, дакументаў: 12601

Выбары ў мясцовыя Саветы дэпутатаў 2003

Усе
Фота
Мультымедыя
Рэчы
Арганізацыі
Асобы
 
2003

Аб назначэннi выбараў у мясцовыя Саветы дэпутатаў Рэспублiкi Беларусь дваццаць чацвёртага склiкання

 Указ Прэзiдэнта Рэспублiкi Беларусь № 578


У адпаведнасцi з пунктам 2 артыкула 84 Канстытуцыi Рэспублiкi Беларусь п а с т а н а ў л я ю:

1. Назначыць выбары ў мясцовыя Саветы дэпутатаў Рэспублiкi Беларусь дваццаць чацвёртага склiкання 2 сакавiка 2003 г.

2. Цэнтральнай камiсii Рэспублiкi Беларусь па выбарах i правядзенню рэспублiканскiх рэферэндумаў арганiзаваць у адпаведнасцi са сваёй кампетэнцыяй правядзенне выбараў у мясцовыя Саветы дэпутатаў Рэспублiкi Беларусь i ажыццяўляць кантроль за захаваннем заканадаўства аб выбарах.

3. Дзяржаўным органам, iншым арганiзацыям забяспечыць выкананне ва ўстаноўленыя Выбарчым кодэксам Рэспублiкi Беларусь тэрмiны аднесеных да iх кампетэнцыi арганiзацыйных мерапрыемстваў па падрыхтоўцы i правядзенню выбараў у мясцовыя Саветы дэпутатаў Рэспублiкi Беларусь.

4. Савету Мiнiстраў Рэспублiкi Беларусь забяспечыць фiнансаванне расходаў на падрыхтоўку i правядзенне выбараў у мясцовыя Саветы дэпутатаў Рэспублiкi Беларусь у межах сродкаў, прадугледжаных у рэспублiканскiм бюджэце на гэтыя мэты.

5. Гэты Указ уступае ў сiлу з дня яго падпiсання.

Прэзiдэнт Рэспублiкi Беларусь А.ЛУКАШЭНКА.

22 лiстапада 2002 г., г. Мiнск.