запісаў: 1060, дакументаў: 12601

Плябань, 1987, удзельнікі “Талакі” каля помніка паўстанцам 1863 года

Плябань, 1987, удзельнікі “Талакі” каля помніка паўстанцам 1863 года, аўтар фотаздымка Алесь Суша. “Тут, вядома, трэба мець удзячнасьць Генадзю Каханоўскаму ды Арсеню Лiсу. У iхнiх кнiгах пра гэта, i было напiсана. Дзякуючы Генадзю Каханоўскаму i былi пастаўленыя гэтыя валуны: i ня толькi ў Плябанi, але таксама каля аптэкi Ядзьвiгiна Ша ў Радашкавiчах, у Ракуцёўшчыне/Аляхновiчах Багдановiчу, у Маладэчнi. Ды гэта далёка ня ўсё…”, – згадвае Алесь Суша. 


Паказаны здымкі толькі з асобай: Лобач Святлана
Паказаць усе здымкі

Ральлі “Дзьвіна-Даўгава” супраць пабудовы Даўгаўпілскай ГЭС, 1987

Удзельнікі беларуска-латышскага экалагічнага ралі Дзвіна-Даўгава, супраць пабудовы Даўгаўпілскай ГЭС, красавік-травень, 1987 год. Аўтар фотаздымкаў:  Святлана Радкевіч, тады – студэнтка Віленскага ўніверсітэту. Святлана Радкевіч згадвае: “Пра ралі я даведалася ад сястры Ірыны Радкевіч, яна тады вучылася ў Акадэміі мастацтваў на кераміцы, на тым жа аддзяленні вучыўся і Алесь Костка. Я ж жыла і вучылася ў Вільні, пасьля мастацкай школы імя Ахрэмчыка пад уплывам нашага знакамітага настаўніка Ген Геныча Сакалова-Кубая…
З Вільні на электрычцы даехала да Турмантаса, гэта станцыя на мяжы трох рэспублік, а да Друі нейкім аўтобусам і прагаласавала на дарозе, дык дзядзька нейкі падвез… Вельмі перажывала, што спазьнюся, і паплывуць без мяне.
Запомнілася доўгая, пустая вуліца ў Друі апоўдні… І раптам я выйшла да вялікай ракі, на беразе якой сабралася шмат вяселай, рухавай моладзі! Усе былі занятыя справай: рыхтавалі чаўны, надзьмувалі гумавыя плыты, памятаю аранжавага колеру быў, малявалі эмблемы… Знайшла сваіх мастакоў і далучылася да іх…Наш човен быў мастацкі, кіраваў ім Алесь Костка, Ірына і ен вучыліся тады ў Акадэміі мастацтваў. У Друі, на беразе Дзьвіны перад вырушэньнем у пратэстнае воднае ралі, мы малявалі на белай тканіне чырвонай фарбай знак-сімвал дзяўчыны-Дзьвіны, і на кожным плыце, ці лодцы ен на дрэўцы лунаў над ракой! Плыў тады і мастак Алесь Цыркуноў, маляваў эцюды на кожным прыстанку! Мне было 23 гады, я ўжо нарадзіла першую дачку Алесю! Замужам была за Троцкім шляхцюком, жыла ў Троках (Trakai), вучылася ў Віленскім універсітэце на Прыродазнаўчым факультэце!
І займалася веславаньнем на байдарцы ў віленскім спартыўным клубе “Дынама”, што месьціўся на беразе Вільлі (Niarys), выступала на спаборніцтвах сярод літоўскіх ВНУ за свой ўніверсітэт! Спаборніцтвы традыцыйна праводзіліся ў Троках на возеры Гальве, побач з Замкам Вітаўта. Там і пазнаемілася з будучым мужам, ен трэнер па веславаньню. Вось таму мне і было цікава паўдзельнічаць у водным ралі “Дзьвіна-Daugava”.


Паказаны здымкі толькі з асобай: Лобач Святлана
Паказаць усе здымкі