1990: 1,2,3,4,5,6
Газэта БП выходзiла пасля расколу рэдакцыi “Паперабудовы”; выдавалася ў Менску ў 1990 г. Усяго выйшла шэсьць нумароў (першы раз без пазначэння i каптура).Дакладны наклад ня высветлены. Спосаб рэпрадукавання — ратапрынт. Склад рэдакцыi ня быў пазначаны, апроч выпускаў №5 i 6, падрыхтаваных Н.Катвiцкай. Газэта была створана з мэтаю выдаваць больш грунтоўныя матэрыялы, чым у “Паперабудовы”. Грамадска-палітычнае выданне, па пазыціі блiзкае да Дэмакратычнай платформы ў КПСС.

Ворган Хаўруса Дэмакратычнае Моладзi (г. Менск)
1989: 2, 3.
Вядомыя толькi два нумары. Нумарацыя ў канспiратыўных мэтах пачынаецца з №2 (№1 не iснаваў). Назва ўтвораная ад складаньня двох словаў: папера + перабудова, што вылучалася у надпiсы тытула розным памерам, колерам i нахiлам лiтараў. Склад рэдакцыi : А.Дылюк, А.Фiлiповiч, Ю.Скрыган i А.Баравiк. Пасля выпуску двух нумароў рэдакцыя распалася на тры часткi, кожная з якiх потым стала выдаваць сваю газету: “Бiблiятэчка “Паперабудовы” i “Позiрк” (А.Дылюк), “Рубон” i “Незалежная думка” (А.Фiлiповiч), нявысветлены лёс запланаванага гiстарычнага часопiса (Ю.Скрыган i А.Баравiк). Пэрыядычнасць не вызначаная. Спосаб рэпрадукаваньня — машынапiс з ксэрапамнажэннем. Друкавалiся матэрыялы палiтычнай праблематыкі ў гумарыстычнай стылістыцы.