Плошча 1991 у Мінску.  Жнівень.  Мітынгі супраць Путчу ГКЧП. Абвяшчэнне Незалежнасці Беларусі. Фотаздымкі Уладзіміра Кармілкіна. 25 жніўня 1991 г. пасля няўдалага путчу ГКЧП у Маскве нечарговая сесія Вярхоўнага Савета БССР прыняла закон “Аб наданні статусу канстытуцыйнага закона Дэкларацыі Вярхоўнага Савета БССР аб дзяржаўным суверэнітэце БССР” і пастанову “Аб забеспячэнні палітычнай і эканамічнай самастойнасці БССР” –  фактычна была абвешчана Незалежнасць Беларусі.

У 1990 годзе Беларускі Народны Фронт “Адраджэньне” арганізаваў   мемарыяльныя акцыю Ігуменскі шлях. На месцы масавага расстрэлу былі ўсталяваныя крыжы. У чэрвені 1941 года супрацоўнікі НКВД гналі вязьняў з Мінскай турмы ў бок Расеі. 25 чэрвеня 1941 года палітычных вязьняў вывелі з Ігуменскай турмы і ў лясным масіве Цагельня расстралялі больш за 700 чалавек. У часы  СССР памяць пра Ігуменскую трагедыю была забароненая.