У Міжнародны дзень правоў чалавека 10 снежня 2002 года ў Мінску праваабаронцы нагадалі пра  зніклых без звестак, а таксама пазбаўленых волі  апанентаў улады і незалежных журналістаў. У акцыі ўдзельнічалі родныя і сябры зніклых ды рэпрасаваных, праваабаронцы, актывісты грамадскіх арганізацый, журналісты.

Кніга Алеся Бяляцкага «Халоднае крыло Радзімы» — своеасаблівы працяг кніг «Асьвечаныя беларушчынай» ды «Іртутнае срэбра жыцьця» — выданьняў, якія былі падрыхтаваныя падчас зьняволеньня аўтара.

«Халоднае крыло Радзімы» (занатоўкі, эсэ, інтэрв’ю) — пятая кніга Алеся Бяляцкага, да гэтага ужо пабачылі сьвет літаратуразнаўчая манаграфія «Літаратура і нацыя» (1991), кніга нарысаў і эсэ «Прабежкі па беразе Жэнеўскага возера» (2006), «Асьвечаныя беларушчынай» — артыкулы па гісторыі беларускай літаратуры і крытыка (2012), «Іртутнае срэбра жыцьця» (2014) — нататкі пра праваабарончую дзейнасьць.