запісаў: 913, дакументаў: 11992

25 лютага 1990, патрабаванне прамога эфіру для БНФ на тэлебачанні

25 лютага 1990 года, перадвыбарчы мітынг, які скончыўся патрабаваннем прамога эфіру для БНФ на тэлебачанні

Аўтар фотаздымкаў менскі фатограф з трагічным лёсам Уладзімір Сапагоў (1952-2012),  з архівам якога цяпер працуюць актывісты Цэнтру даследванняў грамадзянскай супольнасці Беларусі.   

 Узгадвае Тамара Мацкевіч: На зыдымках мы ідзем патрабаваць наўпроставай трансляцыі да БТ (На Камуністычную). Дарэчы, трансляцыю далі. ішлі ад Незалежнасці да Перамогі)). Потым стаялі каля тэлебачання. Калі абвесцілі, што даюць эфір, я пабегла дахаты глядзець. Памятаю, што на ўсіх вуліцах, якія папярок праспекту, стаялі БТРы і нейкія вялікія вайсковыя машыны, поўныя салдат. Яны раўлі рухавікамі, што нічога не было чуваць. Такая псіхічная атака. Мы ім крычалі “Пойдзем з намі!”

Сведчыць Сяргей Навумчык: Гэта быў той самы 100-тысячны мітынг, дзе 1 сакратару ЦК Сакалову крыкнулі – “Шапку здымі!”. Ёсць знакамітае фота яго і Пазняка. Мітынг арганізоўваўся як перадвыбарчы. І толькі ў канцы рушылі да тэлецэнтру. Тады далі эфір Пазняку, Марачкіну (здаецца, Вячорку), потым хвілін 40 паказвалі застаўку, а потым на экранах зьявіліся Дземянцей, хтосьці з ЦК і г.д. Менавіта той эфір каштаваў Бураўкіну пасады старшыні Дзяржтэлерадыё (маўляў, мог і не даваць).