запісаў: 918, дакументаў: 12002

Фотаздымкі з кнігі Алеся Бяляцкага “Асвечаныя Беларушчынай”

-021-1«Асьвечаныя беларушчынай» — тэксты па гісторыі беларускай літаратуры і крытыка (Вільня, 2012). Кніга, падрыхтаваная за кратамі, знаёміць чытача з Алесем Бяляцкім — удумлівым гісторыкам літаратуры, схільным да псіхалагічных рэканструкцый, тонкім літаратурным крытыкам і эсэістам, які здолеў працягнуць сваю літаратуразнаўчую дзейнасьць нават у нечалавечых умовах, якія створаныя ў беларускіх турмах. Гэтую кнігу Алесь Бяляцкі планаваў выдаць да свайго 50-годзьдзя. У 2011 годзе ён пачаў зьбіраць тэксты, якія пісаў, пачынаючы з 80-х гадоў ХХ стагодзьдзя, — тэксты па гісторыі беларускай літаратуры, крытыка, успаміны пра беларускіх пісьменьнікаў, эсе (да гэтага ў Алеся Бяляцкага ўжо выходзілі кнігі — манаграфія «Літаратура і нацыя» (1991) і кніга нарысаў і эсэ «Прабежкі па беразе Жэнеўскага возера» (2006).  Праца па ўкладаньні кнігі была распачатая, але не завершаная, бо 4 жніўня 2011 года Алесь Бяляцкі быў арыштаваны, яго абвінавацілі ў зьдзяйсьненьні крымінальнага злачынства, прадугледжанага часткай 2 артыкула 243 Крымінальнага кодэкса.  Суд ператварыўся ў палітычную расправу над беларускім праваабаронцам і літаратуразнаўцам.  Яго прызналі вінаватым у нясплаце падаткаў. Праваабаронца сваёй віны не прызнаў і заявіў, што ўсе грошы, атрыманыя на ягоныя рахункі, ішлі на праваабарончую дзейнасьць. Алесь Бяляцкі асуджаны на 4,5 года зьняволеньня.

Літаратурна-мастацкае выданне,  Бяляцкі Алесь Віктаравіч “Асвечаныя Беларушчынай”, Укладальнік Паліна Сцепаненка

Год выдання 2012, Вільня