запісаў: 931, дакументаў: 12164

Шэсце, прысвечанае 8-й гадавіне прыняцця Дэкларацыі аб суверэнітэце Беларусі

27ліпеня адбылося шэсьце, прысьвечанае 8-й гадавіне прыняцьця Дэкларацыі аб суверэнітэце Беларусі. Падчас шэсьця на дэманстрантаў адбыўся напад з боку фашыстоўскай групы «Русского национального единства». Двое з неафашыстаў былі затрыманыя і здадзеныя ў міліцыю. Але ж пры рэжыме Лукашэнкі ніводзін фашыст ня быў пакараны. У той час, як за антыпрэзідэнцкія лозунгі маладых людзей адпраўляюць за краты. Лозунгі накшталт «Жыве Беларусь!» старанна замалёўваюцца. У гэты самы час аўтары антысеміцкіх лозунгаў, накіраваных на распальваньне міжнацыянальнай розьні, якія перыядычна зьяўляюцца на сьценах у гарадах Беларусі, застаюцца нявыяўленымі, а значыць—непакаранымі. Лозунгі такога плану ўлады не сьпяшаюцца зьнішчаць.
Агляд: правы чалавека ў Беларусі, 1998 год