запісаў: 896, дакументаў: 11951

Лістапад Юрка

Усе
Фота
Мультымедыя
Рэчы
Падзеі
Арганізацыі
 
Гады жыцьця:
07 красавіка 1897 - чэрвеня 1938
Бацькі:
Іван
Мейсца нараджэньня:
в. Варкавічы Слуцкага павету

Біяграфія:

Беларускі нацыянальны дзеяч. У беларускім руху з 1917 г. У 1918 г. у Менску скончыў 1-я Беларускія педагагічныя курсы, адзначаўся педагагічнаю радай курсаў (Язэп Лёсік, Усевалад Ігнатоўскі, Сымон Рак-Міхайлоўскі, Антон Нэканда-Трэпка ды інш.) за добрае валоданне беларускай мовай і веданне гісторыі Беларусі. Ягоны выпускны твор "Слуцкае вясельле" Язэп Лёсік надрукаваў у менскай газеце "Беларусь" у траўні 1920 г. У 1919 г. працаваў у менскіх беларускіх выдавецтвах, пераклаў на беларускую мову апавяданне Ўл.Караленкі "Бяз мовы", камэдыі А. Астроўскага "Беднасьць ня ганьба" й "На бойкім месцы", а таксама падручнік "Арыфмэтыка" Цыгельмана. Увосень 1919 г. накіраваны Беларускаю школьнаю радай Меншчыны школьным інструктарам на Случчыну, дзе з дапамогаю Андрэя Бараноўскага ды іншых актывістаў нацыянальнага руху ствараў беларускія школы. Актыўна ўдзельнічаў у працы слуцкіх беларускіх арганізацыяў (Нацыянальны камітэт, "Папараць-Кветка" ды інш.). У лістападзе 1920 г. абраны ў Беларускую Раду Случчыны, удзельнік антыбальшавіцкага збройнага чыну. 3 1921 г. у Заходняй Беларусі, вучыўся на Віленскіх беларускіх настаўніцкіх курсах (адначасова быў іх адказным сакратаром). Пазней інструктар беларускіх школаў на Віленшчыне. Улетку 1922 г. у Савецкай Беларусі, у 1923-1925 гг. працаваў выкладчыкам беларусазнаўства на Слуцкіх агульнаадукацыйных педагагічных курсах. У кастрычніку 1925 г. арыштаваны ГПУ паводле абвінавачання ў антысавецкай дзейнасьці па "лістападаўскай справе". Асуджаны на 5 гадоў зьняволення. У 1927 г. амніставаны, доўгі час не мог уладкавацца на працу. Зарабляў грошы як "вольны перакладчык" у Белдзяржвыдавецтве. Улетку 1930 г. зноў арыштаваны па "справе Саюзу вызваленьня Беларусі", але праз некалькі месяцаў выйшаў на волю. Каб пазбегнуць наступных арыштаў, у ліпені 1933 г. перасяліўся ў Ржэва, дзе працаваў рахункаводам. У кастрычніку таго ж году быў арыштаваны ГПУ па сфабрыкаванай "справе Беларускага нацыянальнага цэнтру", і ў студзені 1934 г. асуджаны на 8 гадоў канцлягеру. 31 сакавіка 1938 г. засуджаны "тройкай" на расстрэл.

Дакумэнты

1997, Дакументы

Каляндар