запісаў: 906, дакументаў: 11976

Таранда Мікола

Усе
Друкаваныя
Фота
Мультымедыя
Рэчы
Падзеі
Арганізацыі
 

Біяграфія:

Таранда Мікола (01.05.1957, в. Зарытава Ляхавіцкага р-ну Берасьцейскай вобл.), адзін з кіраўнікоў гарадзенскага клюбу «Паходня». Пасьля заканчэньня школы ў 1974 паступіў у Гарадзенскі сельска-гаспадарчы інстытут, дзе ўдзельнічаў у мастацкай самадзейнасьці (народныя ансамблі «Нёман» і «Вянок»). У 1979, працуючы аграномам у Берасьцейскай вобл., паступіў у асьпірантуру пры Інстытуце біяхіміі АН БССР (Горадня). У 1986, як сьцьвярджае сам, стаў на акрэсьленыя нацыянал-дэмакратычныя пазыцыі. У гэтым працэсе вялікі ўплыў мела кніга Кастуся Тарасава «Память о легендах». Узяў удзел у стварэньні клюбу «Паходня», быў адным зь ягоных кіраўнікоў. Апроч таго, з восені 1986 актыўна ўдзельнічаў ва ўсіх імпрэзах беларускіх моладзевых арганізацыяў (1987 - Дзьвінскае ралі; 1988 - Прыпяцкая вандроўка, Паход супраць ракет і г.д.). У 1987 на нарадзе кіраўнікоў моладзевых суполак пад Ракавам узяў удзел у стварэньні Канфэдэрацыі Беларускіх Суполак. У тым жа годзе па запрашэньні Беларускага Аб'яднаньня Студэнтаў (Польшча) наведаў Беласточчыну й Варшаву. Дапамагаў у выратаваньні кніг з прыватнай бібліятэкі Ларысы Геніюш, якія потым былі перададзеныя ў музэі Горадні. Дапамагаў у стварэньні беларускіх таварыстваў у Лідзе, Берасьці, Маскве. Браў удзел у экалягічных і палітычных мітынгах, агітацыі за беларускамоўныя клясы, агітацыі падчас выбараў 1989. Уваходзіў у КПСС, адкуль выйшаў у 1990. У сувязі з актыўнай грамадзкай і палітычнай дзейнасьцю неаднаразова перасьледваўся з боку ўладаў. Публікаваўся ў мясцовым друку. Крапивин С. Факел и сквозняки // Советская Белоруссия. 13.04.1988. Галіна Кацуба