запісаў: 905, дакументаў: 11973

Мартыралог Аршаншчыны

Дата публікацыі: 21 чэрвеня 2017

У 1991-м годзе ў  дзяржаўнай”Аршанскай газеце” была адмысловая рубрыка “Мартыралог Аршаншчыны”. Сведкі распавядалі пра страшныя гады сталінскіх рэпрэсій, у тым ліку называлі канкрэтныя мясціны расстрэльных магілаў.  

Вось сведчанне, якое даслаў у газету Ягораў Аляксандар Уладзіміравіч, п. Высокае: “Гэта было ў трыццаць сёмым. Летам. Працаваў я тады на Багушэўскім спіртзаводзе ў Янове, і за мною былі замацаваныя дзве машыны – грузавая і легкавая. Аднойчы выклікае мяне дырэктар спіртзавода ды кажа: паедзеш у Багушэўскае НКВД, начальнік НКВД выклікае машыну. Прыехаўшы туды я даведаўся, што справа наступнага парадку: нейкі палясоўшчык заўважыў у лесе след аўтамашыны, і думаючы, што мела месца нейкае лесапарушэнне, пайшоў па ім. Хутка ён убачыў раскіданую зямлю і капец. Ён адгарнуў мох і ўбачыў трупы людзей. Відавочна, у турме расстралялі, прывезлі ў лес і захавалі. Палясоўшчык далажыў пра гэта старшаму ляснічаму, а той патэлефанаваў у Багушэўскае НКВД. І вось мы паехалі ў Клюкаўку (тады Клюкаўка была Багушэўскага раёна). Прыязджаем мы на гэтае месца. Там вакол было шмат трупаў. Гэты начальнік КВД сказаў: закрыйце і пра гэта не гаварые нікому ні слова. Хацеў узяць распіску, але не ўзяў. Аднак строга папярэдзіў, што панясем адказнасць за выдаванне дзяржаўнай тайны. Гэтая магіла знаходзіца непадалёк шашы Орша-Віцебск усходней Клюкаўскага лясніцтва, у раёне пажарнае вышкі лясцніцтва. Гэтую магілу ведаць многія палясоўшчыкі гэтаа лясніцтва”.   

       Людзі імкнуліся перадаць сведчанні пра злачынствы камунізма, зафіксаваць месцы пахаванняў ахвяраў расстрэлаў.