запісаў: 873, дакументаў: 11811

Фільм памяці Уладзіміра Кішкурны

Дата публікацыі: 04 верасня 2016

Уладзімір Кішкурна (1938-2015) актыўны ўдзельнік беларускага руху. За удзел у  мітынгах і шэсцях Уладзімір Кішкурна неаднаразова арыштоўваўся міліцыяй, асаблівы рэкорд затрыманняў быў пабіты ў 2000 годзе, калі за ўдзел  пікетах Байкот-2000 Уладзімір Кішкурна затрымліваўся міліцыяй па некалькі разоў на дзень.     

Уладзімір Кішкурна займаўся упарадкаваннем месца масавых расстрэлаў Курапаты, разам з сябрам Лявонам Садоўскім ставіў крыжы на месцы расстрэльных ямаў. 

Узгадвае сябра Уладзіміра Кішкурны, Лявон Садоўскі:

– Самые экстрымальныя ўсталяванні крыжоў былі начныя, калі распачалася будоўля – пашырэнне дарогі. Днём “будаўнікі” руйнавалі крыжы, а ноччу мы аднаўлялі. Ініцыятыва сыходзіла ад Паўла Севярынца. Рэзалі дрэвы паваленыя бульдозерамі і рабілі з іх крыжы. Забралі нас тады: Севярынца, Сіўчыка, Уладзіміра Юхо разам з крыжом, якому амапавец без апазнавальных знакаў, які кіраваў нашым захопам, сказаў, што зарые яго тут разам з крыжам.

Фільм падрыхтаваны ў межах дзейнасці Цэнтру даследванняў грамадзянскай супольнасці Беларусі, у фільме выкарыстаныя архіўныя здымкі жніўня 2012 года.