запісаў: 866, дакументаў: 11779

Змагарам з дыктатурай у Польшчы будуць выплачваць фінансавую дапамогу

Дата публікацыі: 24 ліпеня 2015

Дзеячам апазіцыі і асобам, рэпрэсаваным у часы Польскай народнай рэспублікі будуць выплачваць па 400 злотых.
Закон аб гэтым уступае ў сілу 31 жніўня. Ён быў прыняты 25 сакавіка, паведамляе Polskie radio.
Закон дзейнічае ў дачыненні да тых грамадзянаў, якія “ў 1956-1989, рызыкуючы ўласным жыццём, свабодай, маёмасцю, а таксама працай, прымалі ўдзел у антыкамуністычных мерапрыемствах, накіраваных на аднаўленне суверэнітэту і незалежнасці Радзімы, ці былі рэпрэсаваныя па гэтай прычыне”.
Фінансавую дапамогу ў памеры 400 злотых (каля 95 еўра) штомесяц будуць выплачваць асобам, чый даход не перавышае 120% ад мінімальнай пенсіі (на дадзены момант мінімальная пенсія ў Польшчы складае 880 злотых – каля 220 еўра).
Як адзначаюць у Інстытуце нацыянальнай памяці Польшчы, для атрымання дапамогі змагары з камунізмам павінны афіцыйна звярнуцца ва Упраўленне па пытаннях ветэранаў і рэпрэсаваных асобаў.
На сваёй вэб-старонцы інстытут размясціў тэкст закона і неабходную для запаўнення анкету.