запісаў: 874, дакументаў: 11815

На магіле Жызнеўскага паставілі помнік з Пагоняй і Трызубам

Дата публікацыі: 13 ліпеня 2015

Беларускія грамадскія актывісты вырабілі, прывезлі і ўсталявалі надмагільны помнік Міхасю Жызнеўскаму. Грошы на помнік ахвяравалі прадпрымальнікі, рабочыя, пенсіянеры з Беларусі, ЗША, Аўстраліі і іншых краінаў. Аўтар помніка — вядомы беларускі скульптар Алесь Шатэрнік
Падчас усталявання помніка на могілках у вёсцы Сцяг Працы каля Гомеля прысутнічалі бацькі Міхася Жызнеўскага.

Міхась Жызнеўскі быў забіты стрэлам у сэрца 22 студзеня падчас беспарадкаў на вуліцы Грушэўскага ў Кіеве. МУС Украіны пацвердзіў, што Жызнеўскі памёр ад агнястрэльнага ранення. Міхась Жызнеўскі быў пасмяротна ўганараваны ордэнам Герояў Нябеснай Сотні.