запісаў: 913, дакументаў: 11992

Памяці ахвяраў палітычных рэпрэсій

Дата публікацыі: 30 кастрычніка 2014

29 кастрычніка 1937 года ў сутарэннях мінскай турмы НКВД было расстраляна больш за 100 беларускіх пісьменнікаў, навукоўцаў, дзяржаўных дзеячаў. У Беларусі, гэты дзень адзначаецца, як Дзень памяці ахвяраў палітычных рэпрэсій.
У Курапатах, Лошыцы, Трасцянцы ды іншых месцах масавых расстрэлаў прайшлі акцыі ўшанавання памяці ахвяраў сталінізму.

У Расеі і ў некаторых іншых посткамуністычных краінах Дзень памяці ахвяраў палітычных рэпрэсій адзначаецца 30 кастрычніка.

30 кастрычніка 1988, напярэдадні Восеньскіх Дзядоў, з ініцыятывы новаўтворанага Народнага Фронту, у Мінску адбыліся масавае шэсце ў Курапаты і мітынг памяці ахвяраў сталінскага рэжыму. Улады адказалі гвалтам – дубінкамі, газам, затрыманнямі. Гэта было першае масавае актыўнае супрацстаянне грамадства і ўлады ў пасляваеннай Беларусі. З таго часу шэсці і акцыі ў Курапатах на Дзяды сталі беларускай традыцыяй.

У гэтым годзе дазволенае шэсце на Курапаты адбудзецц 2 лістапада. Збор у 10.30 каля Гадзіннікавага заводу “Луч”.