запісаў: 913, дакументаў: 11992

Абаронім родную мову ў Канстытуцыйным судзе!

Дата публікацыі: 22 чэрвеня 2014

Вядомы беларускі юрыст і праваабаронца Гары Паганяйла  выступіў з ініцыятывай звяртацца ў Канстытуцыйны суд Рэспублікі Беларусі наконт хібаў у моўным заканадаўстве, што дазваляюць дыскрымінаваць беларускую мову.

Змены ў заканадаўстве аб Канстытуцыйным судзе цяпер даюць магчымасць звяртацца ў яго і грамадзкім арганізацыям, і грамадзянам з мэтай паказу і ўхіленьня супярэчнасцяў у наяўным заканадаўстве. Ініцыятыву праваабаронцы падтрымалі Асамблея Няўрадавых Арганізацый Беларусі і шэраг грамадскіх арганізацый.
У раздзеле “Дакументы” можна спампаваць мэтадычны ліст Гары Паганяйлы і – галоўнае – тэкст ягонага звароту, які можна браць за ўзор. Можна дадаваць прыклады з блізкіх Вашай арганізацыі ці Вашаму асабістаму досьведу сфэраў, моўная дыскрымінацыя ў якіх вымагае рэагаваньня.

Звароты могуць быць як пісьмовыя, так і электронныя.