запісаў: 866, дакументаў: 11779

У Курапатах прайшлі «Дарогай сьмерці»

Дата публікацыі: 01 траўня 2014

29 красавіка у Курапатах адбылася акцыя, падчас якой яе ўдзельнікі прайшлі «Дарогай сьмерці». У акцыі бралі ўдзел больш за 20 актывістаў.

Гэта спроба абазначыць тую дарогу, якой падвозілі людзей да Курапацкага лесу ў гады сталінскіх рэпрэсій. Дарога ідзе праз поле, якое знаходзіцца паміж кальцавой дарогай, Курапатамі, гандлёвым цэнтрам «Бікс» і старой заслаўскай шашой.

Хаця гэта поле ўваходзіць у ахоўную зону, на ім беларуская гандлёвая палата зьбіраецца будаваць выставачны комплекс. У выніку можа атрымацца, што Курапаты будуць заціснутыя паміж катэджным пасёлкам «Сонечны», «Бульбаш-холам», кальцавой дарогай і гэтым экспацэнтрам. Таму актывісты вырашылі абазначыць гэту дарогу і дамагацца яе ўключэньня ў мэмарыяльны комплекс.

Пасьля актывісты прайшлі ў Курапацкі лес, дзе згадалі расстраляных падчас сталінскіх рэпрэсій. Яны зачыталі больш за 200 прозьвішчаў.