запісаў: 867, дакументаў: 11781

Вусная гісторыя ў адукацыйным працэсе

Дата публікацыі: 26 сакавіка 2014

12 красавікау Гроднаадбудзецца семінар па тэме“Вусная  гісторыя ў адукацыйным працэсе”

Інтэрнэт-праект «Беларускі архіў вуснай гісторыі» МГА «Гісторыка» і ГА «Дыярыуш» запрашаюць усіх зацікаўленных на семінар па вуснай гісторыі.

У семінары прымуць удзел вядомыя гісторыкі: Алесь Смалянчук – доктар гістарычных навук, супрацоўнік Інстытута Славістыкі, Польскай Акадэміі Навук, а таксама, Вольга Іванова – кандыдат гістарычных навук, архівіст.

На сустрэчы вы зможаце даведацца пра прынцыпы і асаблівасці збора вуснагістарычных матэрыялаў з вучнямі, магчымасці выкарыстання відэа- і аўдыёзапісаў інтэрв’ю сведкаў часу на школьных занятках(кожны ўдзельнік атрымае дыск з метадычнымі напрацоўкамі). Акрамя таго, мы прапануем вам пазнаеміцца з асноўнымі этапамі апрацоўкі і архівізацыі вусных успамінаў.

Таксама мы падрабязна вас паінфармуем пра конкурс для школьнікаў “1939 год у памяці жыхароў Беларусі”. Вы зможаце атрымаць метадычныя матэрыялы і парады па напісанні конкурсных прац. Нагадваем, што яны прымаюцца да 15 мая.

Іншагароднім удзельнікам будзе аплочаны праезд і пражыванне (паведаміць пра неабходнасць – начоўкі трэба да 01.04 на кантактны мэйл). Месца правядзення будзе паведамлена пасля рэгістрацыі заяўкі. Пачатак мерапрыемства а 17 гадзіне.

Чакаем вашыя заяўкі на ўдзел да 1 красавіка на адрас konkurs@nashapamiac.org.Усе пытанні вы можаце задаць па тэлефонах: 8 029 397 52 15 (Вольга), 8 029 358 31 84 (Павел)