запісаў: 913, дакументаў: 11992

12-13 кастрычніка 1991 ў Мінску адбыўся ўстаноўчы з’езд Беларускага Згуртавання Вайскоўцаў

Дата публікацыі: 12 кастрычніка 2013

url 10

Беларускае згуртаванне вайскоўцаў (БЗВ) было заснаванае 19 – 20 жніўня 1991 г. у Мінску падчас жнівеньскага путчу 1991. Устаноўчы з’езд Згуртавання адбыўся 12 – 13 кастрычніка 1991 у Мінску. Удзельнічалі каля 120 дэлегатаў. Асноўны ініцыятар стварэння БЗВ, Мікалай Статкевіч, быў абраны старшынём. Аснову БЗВ складалі суполкі ў гарнізонах і вайсковых аддзелах. Вытокам БЗВ з’ўляецца рух патрыятычных вайскоўцаў, якія ўваходзілі з 1989 ў гурткі Таварыства беларускай мовы.
8 верасні 1992 года Мікалай Статкевіч выступіў ініцыятарам прысягі членаў БЗВ і вайскоўцаў запаса на вернасць Беларусі. Гэта шматтысячная грамадская акцыя падштурхнула ўрад прывесці да прысягі на вернасць краіне ўсіх афіцэраў сілавых структур.
21 сакавіка 1993 адбыўся знакаміты ўрачысты марш сябраў БЗВ па цэнтры сталіцы. Сябры кожнай раённай арганізацыі, у якія ўваходзілі ад 30 да 100 чалавек, маршыравалі пад сваімі харугвамі.
Сёння Мікалай Статкевіч, лідэр Беларускай сацыял-дэмакратычнай партыі (Народная Грамада), кандыдат у прэзідэнты на выбарах 2010 – палітычны вязень, асуджаны да шасьці гадоў пазбаўленьня волі ў калёніі ўзмоцненага рэжыму.