запісаў: 913, дакументаў: 11992

ТАЛАКА Ў КУРАПАТАХ

Дата публікацыі: 24 траўня 2013

Рисунок1

Вялікая Талака ў Курапатах пройдзе ў 3 этапы ў перыяд з 25 траўня па 29 кастрычніка 2013г.. Такое рашэнне было прынятае 15 траўня на сустрэчы грамадзянскай ініцыятывы “За ўратаванне Курапатаў”.
Сябры ініцыятывы заклікаюць да ўдзелу ў Талаке сябраў беларускіх палітычных і грамадскіх арганізацыяў ды ўсіх неабыякавых да лесу Курапатаў.
Ініцыятыва “За ўратаванне Курапатаў” звяртаецца па дапамогу – для правядзення Талакі патрэбныя:
– граблі,
– сякеры,
– пілы і нажоўкі,
– рыдлёўкі,
– вёдры і вялікія мяшкі для сьмецця
– працоўныя пальчаткі
– іншы працоўны інвентар (для пасадкі кветак і г.п.).
Можна таксама ахвяраваць грашовыя сродкі на набыццё інструментаў, звязаўшыся з каарданатарам Талакі Раманоўскім Уладзімірам Іванавічам (тэл. +37529-6345078 velc) ці з каардынатарам ініцыятывы Шапуцькай Ганнай Віктараўнай (тэл. +37529-6291761 velc).
1-этап Талакі, прысвечаны 25 -м угодкам з’яўлення артыкула “Курапаты — дарога сьмерці” Пазняка і Шмыгалева ў ЛіМе 3 чэрвеня 1988 года пройдзе па наступным раскладзе:
25 траўня 2013 (субота) – 12.00
27 траўня 2013(панядзелак) – 17.00
28 траўня 2013( аўторак) – 17.00
29 траўня 2013(серада) – 17.00
30 траўня 2013 (чацвер) – 17.00
31 траўня 2013(пятніца) – 17.00
1 чэрвеня 2013(субота) – 12.00
3 чэрвеня 2013 г. адбудзецца круглы стол, прысвечаны 25-годдзю адкрыцця Курапатаў.
2-этап Талакі, прысвечаны Міжнароднаму Дню памяці ахвяраў таталітарных рэпрэсій, што адзначаецца 23 жніўня, пройдзе 15 -22 жніўня 2013 г..
3- этап Талакі да 29 кастрычніка – Дня ўшанавання памяці ахвяр таталітарных рэпрэсій у Беларусі – пройдзе 21-28 кастрычніка 2013 г..
У перыяд паміж этапамі сябры ініцыятывы “За ўратаванне Курапатаў” прапануюць праводзіць талаку Талаку раз у тыдзень па аўторках з 17-00 да 20-00.

Грамадзянская ініцыятыва “За ўратаванне Курапатаў”
kurapaty.by