запісаў: 896, дакументаў: 11951

ЛЮСТРА ДЗЁН

Беларуская талеранцыйная Грамада [С.Дубавец, В.Вячорка, С.Сокалаў]. — Еўе [Мінск]
1980:11[1],14[2],23[3],27[4]
Л.д. выдавалася С.Дубаўцом і В.Вячоркам пры дапамозе С.Сокалава, якія зашыфравалі свае імёны пад калектыўным псэўдонімам “Беларуская талеранцыйная Грамада”. Гэты назоў мусіў падкрэсліць талеранцыйную пазыцыю выдання, якая, на думку рэдакцыі, была закаранёная ў беларускай гісторыі і культуры. Усяго выйшла 4 нумары у 1979-1980, або ў 1980 г. Хаця часопіс рыхтаваўся ў Мінску, у канспіратыўных мэтах пазначана, што выдаецца ў Еўі. З тае ж прычыны ўказваліся і выдуманыя двохзначныя нумары. Паводле С.Дубаўца, першыя два нумары змяшчалі толькі па адным творы; наступныя ж два ўжо ўяўлялі з сябе часопіс з развітаю рубрыкацыяй. Большасць тэкстаў рыхтавалася В.Вячоркам. Друк ажыцьцяўляўся С.Дубаўцом на электрычнай машынцы “Optima” ў рэдакцыі дывізійнае газеты “Боевой призыв”, якая знаходзілася на тэрыторыі Мінскага аператыўнага палку (“Белполк”), падчас свае службы. Выданне мела вокладку. Тытул набіраўся шматкратным паўторам адной з літараў. Быў эпіграф “Закройце яму хлябала!” (У.Караткевіч).
Літаратурнае, грамадска-палітычнае выданне.

Прычэпленыя файлы: