запісаў: 866, дакументаў: 11779

Вера

Беларускi каталiцкi часопiс /[рэд.: А.Бяляцкi, Н. Клiнiцкая, З.Пазьняк]. — Мінск — Смаленск [Варшава]
Праца па выдаваннi каталiцкага часопiса В вялася ў 1987— 1988 гадох. №1 выйшаў у канцы 1987 — пачатку 1988 гадоў. №2 быў падрыхтаваны, але ня выдадзены. Часопiс рыхтаваўся ў Мінску i выдаваўся ў Варшаве. Макет выдання быў зроблены З.Пазьняком фотаспосабам, і перавезены П.Сцепаненка ў Варшаву для памнажэння. Смаленск як месца выдання ўказваўся для дэзiнфармавання службы бяспекi. Наклад — 200 асобнiкаў, 100 з iх трапiлi на Беларусь, астатнiя разыйшлiся сярод беластоцкiх беларусаў. Спосаб рэпрадукавання №1 — машынапiс з ксэракапiяваннем. №2 быў падрыхтаваны на кампутары, далейшыя выпускi плянавалася ажыццяўляць друкарскiм спосабам, але ўзнiклi праблемы з дастаўкай праз мяжу, таму выданне перапынiлася. У часопiсе змяшчалiся разнастайныя матэрыялы рэлiгiйнага характару: тэксты малiтваў; звесткi пра вернiкаў на Беларусi i ў свеце; артыкулы пра хрысцiянства Янкi Купалы, Казiмiра Сваяка; пра адраджэнне Беларусi праз хрысцiянства; адозва да з’езду пiсьменнiкаў Беларусi (Мінск, 1976) i т.п. матэрыялы, а таксама паэтычныя творы А.Гаруна i Л.Генiюш і інш.

Прычэпленыя файлы: