запісаў: 913, дакументаў: 11992

БУРАЧОК

(назва №1 — ВIТАЖЭНЕЦ)/[А.Бяляцкi, В.Вячорка, С.Дубавец, В.Iвашкевiч i iнш.]
Б. пачаў выдавацца ў 1986 годзе. На працягу двух гадоў выйшла 3 нумары. склад рэдакцыi не пазначаўся; вядома, што ў выпуску часопiса бралi удзел: Алесь Бяляцкi, Вiнцук Вячорка, Сяргей Дубавец, Вiктар Iвашкевiч, кожны з выдаўцоў быў i аўтарам матэрыялаў. Наклад вагаўся ад 40 да 100 асобнiкаў.
Рэдакцыя стварыла спiс людзей, якiя б маглi, на думку выдаўцоў, ня толькi пачытаць, але i распаўсюдзiць iнфармацыю, якая змяшчалася ў Б. Паводле спiса, Б раскладалi ў канвэрты i разносiлi па паштовым скрыням, або пасылалi па пошце ў iншыя месцы. Пасля выхаду другога нумара КДБ пачаў адсочваць выдаўцоў i выклiкаць для прафiлактычных гутарак.). Для выпуску Б была спецыяльна набыта пішучая машынка, якую, пасля падрыхтоўкi №2, Вiктар Iвашкевiч закапаў у зямлю ў ваколіцах Мінску. Наклад быў аддрукаваны А.Бяляцкім у інтэрнаце АН БССР. Падчас распаўсюджвання №3 быў затрыманы Яўген Iвашкевiч, якому ўдалося распаўсюдзiць некалькi асобнiкаў. Увесь астатнi наклад Б, які захоўваўся ў Доме літаратара, быў арыштаваны падчас обшуку ў кабінеце А.Емельянава.
Выданне – грамадска-палітычнае.
1986: 1,2 1987: 3